नेपाल ‘मिस कोस्मो’ मा अन्तिम २१ अगावै बाहिरियो, उपाधि अमेरिकालाई

News Summary

Generated by OK AI. Editorially reviewed.

सन् २०२५ मा नेपालले विश्वप्रसिद्ध सौन्दर्य प्रतियोगितामा भाग लिएको भए पनि कुनै पनि प्रतियोगितामा सेमिफाइनलमा स्थान बनाउन सकेको छैन।
भियतनाममा भएको मिस कोस्मो २०२५ को ग्रान्ड फिनालेमा अमेरिकाकी योलिना लिन्डक्विस्टले उपाधि जितेकी छिन्।
नेपाली सहभागी दीपशिखा नेपाल मिस कोस्मोमा अन्तिम २१ मा प्रवेश गर्न असफल भएकी छिन्।

काठमाडौं । सन् २०२५ मा नेपालले जति पनि विश्वप्रसिद्ध सौन्दर्य प्रतियोगितामा भाग लियो, त्यसको नतिजामा एउटा समानता देखिएको छ । कसैले पनि सेमिफाइनलमा स्थान बनाउन सकेनन् ।

मिस अर्थ, मिस इन्टरनेसनल, मिस युनिभर्स हुँदै मिस कोस्मोसम्म आइपुग्दा नेपालको नतिजा त्यस्तै देखिएको छ । शनिबार बेलुका भियतनाममा आयोजित मिस कोस्मोमा पनि नेपाली सहभागी दीपशिखा नेपाल अन्तिम २१ मा प्रवेश गर्न असफल रहिन् ।

यीमध्ये मिस वर्ल्ड हुन बाँकी छ, यसको तयारीमा लुना लुइँटेल ब्यस्त छिन् ।

कुरा गरौं मिस कोस्मोको । दीपशिखाले प्रारम्भिक राउण्डहरूमा धेरैको ध्यानाकर्षण त गर्न सकिन् तर, ग्रान्ड फिनाले उनको पक्षमा देखिएन ।

शनिबार राति भियतनाममा भएको ग्रान्ड फिनालेमा अमेरिकाकी योलिना लिन्डक्विस्टले ‘मिस कोस्मो २०२५’ को ताज जितेकी छिन् । उनले अन्तिम चरणको प्रतिस्पर्धामा फिलिपिन्सकी चेल्सी फर्नान्डेजलाई पछि पार्दै उपाधि सुरक्षित गरिन् ।

प्रतियोगिताका शीर्ष पाँच फाइनलिस्टमा ब्राजिलकी गेब्रिएला बोर्गेस, पानामाकी इटाली मोरा र म्यानमारकी मिन्ट म्याट मो लगायत विश्वभरका बलिया प्रतिस्पर्धीहरू थिए ।