+
+
Shares

अग्रगामी मोर्चाको सहयोगमा मधेश सरकार बनाउने कसरतमा उपेन्द्र यादव

यादवले मधेशमा एमालेबाहेकको सत्ता समीकरण चाहेका छन् । विगतमा एमालेबाट लुम्बिनी प्रदेशमा पाएको धोकाका कारण उनी नकारात्मक छन् ।

अनलाइनखबर अनलाइनखबर
२०८३ मंसिर ४ गते १४:३६

४ मंसिर, जनकपुरधाम । मधेश प्रदेशमा नयाँ सरकार गठन अन्योल छ । मधेस प्रदेश प्रमुख डा. सुरेन्द्र लाभ कर्णले शुक्रबार दिउँसो ४ बजेसम्म दिएको समयावधि सकिन अब केही समय मात्र बाँकी छ ।

संविधानको धारा १६८ को उपधारा २ बमोजिम दाबी पेस हुने सम्भावना कम छ । नेकपा एमाले र नेपाल कम्युनिस्ट पार्टी(नेकपा) जनता समाजवादी पार्टी (जसपा) नेपालको नेतृत्वमा सरकार बनाउन सकारात्मक छन् । तर जसपा नेपालका अध्यक्ष उपेन्द्र यादवले भने अहिलेसम्म एमालेसँग मिलेर सरकार बनाउन मानेका छैनन् ।

यादवले मधेशमा एमालेबाहेकको सत्ता समीकरण चाहेका छन् । विगतमा एमालेबाट लुम्बिनी प्रदेशमा पाएको धोकाका कारण उनी नकारात्मक छन् ।

यादवले अग्रगामी मोर्चासँग मिलेर मधेशमा सरकार गठन गर्न चाहेका छन् । जसपा नेपालको नेतृत्वमा अग्रगामी मोर्चासहित जनमत पार्टी र नेपाली कांग्रेसको पनि साथ लिएर सरकार बनाउने उनको गृहकार्य रहेको नेताहरू बताउँछन् ।

यद्यपि, कांग्रेस भने यसबारे केही बोलेको छैन । जनमतका केन्द्रीय अध्यक्ष डा. सीके राउतले केही दिनअघि नै जनमत सरकारमा नजाने घोषणा गरेका थिए । तथापि, अग्रगामी मोर्चाका हिसाबले सरकार बने जनमतले त्यसमा सघाउनसक्ने सम्भावना रहेको विश्लेषण भइरहेको छ ।

उता कांग्रेस र जनमत नेपालको संविधानको धारा १६८ को २ बमोजिमको सरकारमा जानसक्ने सम्भावना कम छ । संविधानको धारा १६८ को ३ मा ठूलो दलको हैसियतमा जसपा नेतृत्वको सरकार बने त्यसमा जनमत र कांग्रेस दुवैले विश्वासको मत दिनसक्ने सम्भावना समेत रहेको जसपा नेपालस्रोतले बताएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?