+
+
Shares

इरानको दाबी- युद्धमा पराजित अमेरिका अब सर्त थोपर्नसक्ने अवस्थामा छैन

इरानको सर्वोच्च राष्ट्रिय सुरक्षा परिषद्का सचिव मोहसेन रेजाईले अमेरिकालाई युद्धमा पराजित देशको संज्ञा दिँदै अब उसले विश्वमाथि आफ्नो सर्त थोपर्न नसक्ने बताएका छन् ।

अनलाइनखबर अनलाइनखबर
२०८३ मंसिर ६ गते १५:४२

इरानको सर्वोच्च राष्ट्रिय सुरक्षा परिषद्का सचिव मोहसेन रेजाईले अमेरिकालाई युद्धमा पराजित देशको संज्ञा दिँदै अब उसले विश्वमाथि आफ्नो सर्त थोपर्न नसक्ने बताएका छन् ।

इरानमाथि अमेरिका र इजरायलले गरेको युद्धमा पराजय व्यहोरेपछि विश्व व्यवस्था परिवर्तन भएको उनको दाबी छ ।

एक्समा लेख्दै रेजाईले सन् २०२६ को इरान सन् १९४३ को तेहरान सम्मेलन र सन् १९४५ को याल्टा सम्मेलन ताकाको इरानजस्तो नरहेको बताएका छन् ।

त्यसैगरी, अहिलेको अमेरिका पनि त्यतिबेलाको अमेरिकाजस्तो नरहेको उनको भनाइ छ । ‘सन् २०२६ को अमेरिका विजयी होइन, युद्धमा पराजित भएको देश बनेको छ,’ उनले लेखेका छन् ।

‘विश्व परिवर्तन भइसकेको छ । पुराना तस्बिरहरूले अहिलेको विश्व व्यवस्थालाई फेरि विगतमा फर्काउन सक्दैनन्,’ रेजाईले भनेका छन् ।

सन् १९४३ मा भएको तेहरान सम्मेलनमा अमेरिका, बेलायत र सोभियत संघका नेताहरूले नाजी जर्मनीविरुद्धको युद्ध रणनीति तय गर्न पहिलोपटक संयुक्त छलफल गरेका थिए ।

त्यस्तै, सन् १९४५ मा भएको याल्टा सम्मेलनमा अमेरिकी राष्ट्रपति र्फ्याङ्कलिन रुजवेल्ट, बेलायती प्रधानमन्त्री विन्स्टन चर्चिल र सोभियत नेता जोसेफ स्टालिन सहभागी भएका थिए ।

दोस्रो विश्वयुद्धको अन्त्यतिर भएको उक्त सम्मेलनले युद्धपछिको विश्व व्यवस्थाको खाका तयार पारेको थियो । पछि विश्व व्यवस्थामा अमेरिकाको प्रभाव क्रमश: बढ्दै गएको थियो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?