अस्पतालको बेडमा सुतेकी महिलालाई चुम्बन गर्न खोज्ने पक्राउ

११ असार, काठमाडौं । अस्पतालको बेडमा सुतेकी एक बिरामी महिलालाई चुम्बन गर्न खोजेको आरोपमा प्रहरीले एकजनालाई पक्राउ गरेको छ ।

पक्राउ पर्नेमा कटहरी गाउँपालिका वडानम्बर ४ बस्ने २२ वर्षीय युवक सुरजकुमार मण्डल रहेका छन् ।

बुधबार बिहान विराटनगरस्थित कोशी अस्पतालको फिमेल मेडिकल वार्डमा ती महिलालाई चुम्बन गर्न खोजेको आरोपमा युवकलाई पक्राउ गरिएको जिल्ला प्रहरी कार्यालय मोरङले जनाएको छ ।

युवकलाई अभद्र व्यवहारको मुद्दामा म्याद थप गरी थप अनुसन्धान भइरहेको प्रहरीको भनाइ छ ।