नायिका शुभेच्छा थापा र क्षितिजा शाक्य बिच यतिबेला शितयुद्ध चलिरहेको छ । शुभेच्छाले बनाएको चलचित्र ‘मिस नेपाल’मा आफ्नो भूमिका काटिदिएको भन्दै क्षितिजा सामाजिक संजाल मार्फत आक्रोश पोख्नमा व्यस्त छिन् । उसो त क्षितिजा नेपाली सिनेमाका लागि कुनै चर्चित नाम भने होइन ।तर पनि निर्मात्री समेत रहेकी कलाकार शुभेच्छा थापा भने आफ्नो सिनेमाको प्रमोशनका लागि जोडतोडका साथ लागिरहेकी छिन् । उनले बनाएको यो सिनेमा फागुनको तेश्रो सातमा प्रदर्शनमा आउने तयारीमा छ ।

मिस नेपाल बन्नको लागि यूवतीहरुले गर्ने संघर्षको कथामा दौडिएको छ यो सिनेमा । पहिलो गीत ‘ओ अम्मा’ सार्वजनिक गरेको केही समय पछि निर्माणपक्षले सिनेमाको शिर्ष गीत सार्वजनिक गरेको छ । जसमा शुभेच्छा र क्षितिजाको साथमा केही मोडलहरुलाई फिचरिङ गरिएको छ ।