१२ माघ, काठमाडौं । २७ बर्षपछि दक्षिण कोरियाले एएफसी एसिया कपको फाइनलमा पुगेको छ । उसले फाइनलसम्मको यात्रा तय गर्दा एक गोल समेत खाएको छैन ।
सन् २००७ को च्याम्पियन इराकलाई सेमिफाइनलमा २-० ले पराजित गर्दै दक्षिण कोरियालेे फाइनलमा स्थान बनाएको हो । २००७ को एसियन कपको सेमिफाइनलमा इराकले नै कोरियालाई हराएको थियो ।
कोरियाले पछिल्लो पटक सन् १९८८ को फाइनल खेलेको थियो । कतारमा सम्पन्न १९८८ को फाइनलमा कोरिया साउदी अरबसँग पेनाल्टी सुटआउटमा हारेको थियो ।
दुई पटकको च्याम्पियन कोरियाले १९६० पछि कन्टिनेन्टल टाइटल पनि जित्न सकेको छैन् ।
इराकविरुद्धको खेलको २० औं मिनेटमा लि जेाङ हायोपिको हेडरले जाली चुम्दा पहिलो हाफमा कोरियाले १-० को अग्रता लियो ।
दोसो्र हाफको ५० औं मिनेटमा जेाङ हायोपीको चेस्टीङलाई सदुपयोग गर्दै किम योङले गोल गरेपछि २-० को जित निकाल्यो ।
