भूकम्पको चोटले कति बिजोग
मरिरहेछन् यताउता वारपार
सहयोग गर्छु भन्ने भावनाहरूलाई
किन ब्रेक लगाउछ यो सरकार
“भान्जाको निउले मलाई पनि घिउले”
जतापनि अट्काउने र समाउने जाली
राहत र उद्धार तुरून्त गर्न नदिएर
तातो न छारोको एकद्वार प्रणाली
मित्रराष्ट्रको राजमार्ग खुलाउने अनि
घाइतेको जीवन जोगाउने प्रस्ताव
कानमा तेल हालेर सुन्यानसुन्यै गर्छ
हैन यो सरकारलाई कुन डरको दवाब
सोच्दैन अलपत्र परेका जनताको हित
आपदमा लापरवाही गर्नेको के दरकार
त्रिपाल कम्मल खाना र औषधि मुलो
बाड्न नदिने कस्तो यो सरकार
– इन्जिनियर राकेश कार्की, उपाध्यक्ष, अनेसास लस एन्जेलस च्याप्टर
