११ भदौ, काठमाडौं । नेपाललाई हिन्दु राष्ट्र घोषणा गर्न माग गर्दै युवाहरुले सामुहिक आमरण अनसन बस्ने घोषणा गरेका छन् ।
राष्ट्रिय धर्म जागरण अभियान नेपालको संयोजन र राष्ट्रिय हिन्दु यूवा मञ्चको आयोजनामा यही भदौ १४ गतेदेखि राजधानीको खुल्ला मञ्चमा सामूहिक आमरण अनसन कार्यक्रम आयोजना गर्न लागिएको हो ।
शुक्रवार रिपोर्टर्स क्लब नेपालमा आयोजना गरिएको पत्रकार सम्मेलनमा अनसनकारीको तर्फबाट बोल्दै सागर कट्वालले ३ सय युवाहरु आमरण अनसन बस्ने जानकारी दिए ।
कार्यक्रममा खेमनाथ आचार्य, प्रेमनिधी भारद्वाज, बोलबम कावरीयाँ संघका अध्यक्ष राम अगिया रौनियारलगायतले आफूहरुको अनसन नेपाल र नेपालीको रक्षाको लागि भएको दाबी गरे ।
