मंगलबार दिनभर अनलाइनखबरमा सयौं समाचार अपटेड भए । त्यस मध्ये पाठकले सबैभन्दा धेरै रुचाएका टप १० समाचार तपाईले छुटाउनु भयो कि ?
१. तनावग्रस्त वीरगञ्ज, प्रहरीको गोली लागेर चारको मृत्यु
वीरगञ्जमा आन्दोलन हिंसात्मक भएपछि प्रहरीले गोली चलाएको छ । जसमा चार जनाको मृत्यु भएको छ । गृह मन्त्रालयले भने आन्दोलनकारीले नाबालक र महिलालाई ढाल बनाएको छ ।
२. लेनिन र सद्दाम जस्तै गरी ढल्यो गिरिजाको शालिक !
तत्कालीन प्रधानमन्त्री गिरिजा प्रसाद कोइरालाले नै मधेसमा संघीयता दिने भनेर मधेसी मोर्चासँग सहमति गरेका थिए । तर, मधेसमा चलिरहेको आन्दोलनका क्रममा आन्दोलनकारीले तीनै कोइरालाको सालिक ढालेका छन् ।
३. काठमाडौंमा बढ्यो निषेधित क्षेत्र, कहाँ कहाँ जुलुस निकाल्न पाइदैन ?
संविधान निर्माण अन्तिम चरणामा पुगेपछि बानेश्वर आसपास प्रदर्शन, धर्ना जुलुस हुने नौलो रहेन । तर, मधेसका जिल्लाहरुमा भइरहेको आन्दोलन हिंसात्मक भएपछि अन्यत्र पनि सतर्कता अपनाइएको छ । काठमाडौंमा निषेधित क्षेत्र बढाइएको छ ।
४. बिराटनगरको भारतीय क्याम्प र वीरगञ्जको वाणिज्य दूताबास निगरानीमा
तराई मधेसमा बढ्दो हिंसात्मक झडपसँगै भारतीय भूमिकालाई लिएर सरकारी अधिकारीहरु असन्तुष्ट बनेका छन् । मधेसी मोर्चाका नेताहरुले भारतीय नेताहरुलाई आन्दोलनमा भारतको सहयोग र समर्थन माग्दै ज्ञापन पत्र बुझाइरहेका बेला वीरगञ्ज र विराटनगरमा रहेका भारतीय कार्यालयको भूमिकामाथि नै सरकारी अधिकारीहरु शंका गर्छन् ।
५. गाईजात्रामा शिवहरी चम्किए, दीपकराज खस्किए
हुन त हाम्रो देशको राजनीतिमा जहिले पनि जाईजात्रा जस्तै छ भन्नेहरु धेरै छन् । तर, गाईजात्राको अबसर पारेर हास्य कलाकारहरु राजनीतिमाथि व्यंग्य गरिहेका छन् । भूकम्पको पीडा भन्दा केहीले कार्यक्रम नै गरेका छैनन् । तर, कमलादीमा यो वर्ष मुखमा हान्नु जस्तो चम्किएका छन् भने दीपकराज गिरी खस्किएका छन् ।
७. उपेन्द्र भन्छन्, सुशीललाई पढाइदिनुस्, भीमको जवाफ, मस्यौदा पढ्नुस्
आन्दोलनका क्रममा मधेसमा रहेका संघीय समाजवादी फोरमका अध्यक्ष उपेन्द्र यादव काठमाडौं आएपछि वार्ता हुने सम्भावना बढेको छ । तर, उनी सुशील कोइरालालाई सम्झौता पढ्न भन्दैछन् । एमाले उपाध्यक्ष भीम रावल भने त्यसको जवाफमा उपेन्द्रलाई संविधानको मस्यौदा पढ्न आग्रह गर्छन् ।
७. अर्ब बढी कमाउने बैंकको शेयर आम्दानी घट्यो
दलहरुबीच संविधानमा सहमति भएपछि नेपाली शेयर बजारले सबै रेकर्ड तोड्यो । थोरै भएपनि नाफा बढाउन सफल भएको असर शेयरमा देखिएको थियो । तर, अर्ब बढी कमाउने बैंकको शेयर आम्दानी घटेको छ ।
८. टीकापुरसँग जोडिएका केही प्रश्न, जसको उत्तर अझै भेटिएन
टीकापुरको त्यो विभत्स हत्याकाण्ड भएको दुई साता भयो । थारु र सरकारबीच वार्ता सुरु हुन सकेको छैन भने स्थानीयमा त्रास कायमै छ । योसँगै टीकापुर घटनाले केही प्रश्न उठाएका छन्, जसको उत्तर झै भेटिएको छैन ।
९. च्याम्पियनलाई नगद २-२ लाख पुरस्कार
भूकम्पदेखि टीकापुरको हत्याकाण्डले दिएको सबै पीडा भुलाउने गरी नेपाली किशोर टीमले साफ च्याम्पियनसिप जित्यो, त्यो पनि भारतलाई । त्यसको कदर गर्दै एन्फाले खेलाडीहरुलाई नगद पुरस्कार दिने भएको छ ।
१०. पेट्रोलियम पदार्थको मूल्य घट्यो
नेपाल आयल निगमले पेट्रोलियम पदार्थको मूल्य घटयो । पेट्रोल, डिजेल र मटितेलसँगै दोस्रो पटक ग्यासको मूल्य पनि घटेको छ ।
र, यो पनि,
यो कस्तो अन्धविश्वास, सर्पसँग किशोरीको बिहे !
अन्धविश्वासको पनि हद हुन्छ । तर, एउटा घटनाले सबै सीमा तोडेको छ । एक किशोरीको बिहे पौराणिक कथामा सुनिने इच्छाधारी नागसँग हुन लोगेको चर्चा चल्यो ।