१४ असार, विराटनगर । विराटनगर महानगरपालिका-३ स्थित कन्या क्याम्पसबाट एकजना नक्कली मतदाता पक्राउ परेका छन् । आफना भतिजको नामबाट भोट हाल्न आएका २९ वर्षीय पुरुषोत्तम आचार्यलाई प्रहरीले नियन्त्रणमा लिएको हो ।
उनले दुर्गा आचार्यको नामबाट भोट हाल्न खोजेका थिए । सोही ठाउँका नागरिकता नम्बर ०५१०६६८१४५ र मतदाता नम्बर १५०४९४१४ क्रम संख्या ३०९६ को दुर्गा आचार्यको नाममा उनी भोट हाल्न आएका थिए ।
उनलाई निर्वाचनमा खटिएको निर्वाचन टोलीले पक्राउ गरी प्रहरीलाई बुझाएको हो । घटनाबारे जिल्ला प्रहरी कार्यालय मोरङले थप अनुसन्धान गरीरहेको प्रहरी प्रमुख सन्दिप भण्डारीले जानकारी दिए ।
