एनआरएनए युकेको निर्वाचन तालिका सार्वजानिक

विपिन निरौला

लण्डन । गैर आवासीय नेपाली संघ युकेको निर्वाचन तालिका सार्वजानिक भएको छ । बेलायतमा बसोबास गर्ने विभन्न जात, धर्म, लिङ्ग र बर्ग समेटिइएको एनआरएनए युकेले पछिल्लो निर्वाचन तालिका सार्वजानिक गरेको हो । सेप्टेम्बर १५ मा साउथइष्ट लण्डनस्थित एशियन कम्युनीटि हल मा हुने निर्वाचनको सम्पुर्ण तयारी पुरा भएको निर्वाचन समितिले जनाएको छ। डा. हेमराज शर्मासंयोजकत्वको निर्वाचन समिति भङ्गगरी डा. पुरुषोत्तमपौडेलको संयोजकत्वमा गठित निर्वाचन समितिले निर्वाचनका लागि सम्पुर्ण तयारी गरेको हो । निर्वाचन समितिले गत सोमबार मतदाता नामावली प्रकाशन गरीसकेको छ । निर्वाचन आयोगले www.nrnauk.org मा Woolwich मा दर्ता छ हजार तिनसय र रेडिङ मा दर्ता ५ हजार भन्दा बढिको नामावली प्रकाशन गरीसकेको छ । यसमा कसैको नाम छुटेको भए तत्काल www.nrnauk.org मारहेको इमेल,फोन तथा पत्रमार्फत दावी विरोध गर्न आयोगले सबैमा आग्रह समेत गरेको छ । यद्यपी निर्वाचन समिति वार्ता गर्न पनि तयार रहेको जनाएको छ । वार्ता गर्नका लागि निर्वाचन समितिका संयोजक डा. पौडेल, सदस्य सचिवमा पुर्ण लक्सम र प्रवक्ता विपिन निरौला लगायतलाई जिम्मेवारी दिइएको छ ।

 समितिका अन्य सदस्यहरुमा चण्डिका राई, ठाकुर प्रसाद शर्मा, नरेश काङवाङ राई,शिवजी श्रेष्ठ, भोजप्रसाद गुरुङ, आशिष पन्त, होमशर्मा, नविन सापकोटा, कल्पना आङबुहाङ, कुश बस्नेत, चित्र बहादुर गुरुङ र देवीमायां पुन रहेका छन ।निर्वाचनलाई स्वच्छ र धांधली रहित बनाउन १८ सदस्यिय पर्यवेक्षक समितिरएनआरएनए आइसीसी सदस्य राजनकंडेलले पनि विशेष भुमिका खेल्ने जनाकारी दिएको छ । बेलायतका अग्रज बुद्धिजीवी समेटिइएको सो पर्यवेक्षक समितिले आगामी सेप्टेम्बर १५ को निर्वाचनलाई सफल बनाउन आफु लागिपर्ने उद्घोष समेत गरेको छ । डा. सम्पुर्णनन्द ढुंगाना, डा. पदमसिखडा, डा. विजन पन्त,श्रीप्रसाद लिम्बु, कर्ण शाही,डम्बर लिम्बु, तेज राई,चेतनाथ खनाल, डा.चन्द्र लक्सम्बा, शुरेसजंग शाह, अर्कतिमिल्सीना, विनोद मोक्तान, जंगसुनुवार, विज्ञान प्रसाई, चित्र बहादुर गुरुङ, विश्वास दिपतिंगेला, दलप्रसाद थापा लगायतले निर्वाचन पर्यवेक्षण गर्ने बताइएको छ ।

 यसअघि उपाध्यक्ष महेन्द्र कंडेलेको अध्यक्ष्तामा बसेको एनआरएन युके विशेष भेलाले साधारणसभाबाट संस्थाको सदस्यता शुल्क कटौती गरी यसलाई पांच अथवा तिन पाउण्डमा झार्ने तथा एनआरएनएलाई काउन्सीलको अवधारणामा लैजाने जनाएको छ । काउन्सीलको अवधारणामा गएपछि एनआरएनमा सबैको प्रतिनिधित्व सुनिश्चित हुने विश्वास लिईएको छ । काउन्सीलको अवधारणमा लैजाने प्रस्ताव सेप्टेम्बर १५ मा हुने साधारणसभामा प्रश्तुत गरीने छ ।

विशेष साधारणसभामा अध्यक्ष्ा पदका अर्का प्रत्यासी सुर्य नेम्वाङ समुह समेतसहभागि थियो।निर्वाचन समितिको संयोजक डा. पौडेलले निर्वाचन प्रजातानित्रक र स्वच्छ बनाउने दृढता व्यक्त गरे।नवगठित नागरिक समाजका अगुवा डा. चन्द्र लक्सम्बाले भइरहेको नागरिकता बचाउने सन्दर्भमा एनआरएनए लाग्नुपर्ने बताए । दोहोरो नागरिकता लिन मिल्ने देशहरुमा यो नियम लागु हुनुपर्ने उनको माग थियो । एनआरएनमा १० पाउण्डले मतदाता किन्ने पहिलाको कार्यसमितिले बनाएको वाताबरणबाट अहिले मुक्त भइएको उनलेबताए । बेलायतमा रहेका सबै जातजाती मिलेर बस्नुपर्नेमा उनले जोड दिए ।