बाढी पीडितलाई इन्भेष्टमेन्ट बैंकको १० लाख सहयोग

९ भदौ काठमाडौं । नेपाल इन्भेष्टमेन्ट बैंकले देशका विभिन्न ठाउँमा आएको बाढी पहिरोका पीडितहरुलाई १० लाख रुपैयाँ सहयोग गरेको छ ।

प्रधानमन्त्री दैवी प्रकोप उद्धार कोषमा बैंकले सो रकम उपलब्ध गराएको हो । बैंकका प्रमुख कार्यकारी अधिकृत ज्योति पाण्डेले प्रधानमन्त्री सुशील कोइरालालाई सोमबार बिहान चेक हस्तान्तरण गरे ।

चेक बुझ्दै प्रधानमन्त्री कोइरालाले देशमा विपत आइपर्दा सबै नेपालीले सहयोग गर्छन भन्ने कुरा सिद्ध हुँदै गएको बताए । बैंकका सीइओ पाण्डेले कर्पोरेट सामाजिक उत्तरदायित्व अन्तर्गत बाढी पीडितलाई सहयोग गरिएको बताए ।