१० पुस, काठमाडौं । माओवादी नेतृ जयपुरी घर्तीले नेत्रविक्रम चन्द विप्लवले शुक्रबार खुलामञ्चमा गर्ने कार्यक्रममा आफू सहभागी नहुने बताएकी छन् ।
बैद्य माओवादीबाट छुटि्टएपछि विप्लवले शक्ति प्रदर्शनका लागि शुक्रबार खुलामञ्चमा सभा गर्दैछन् । सभाअघि निस्कने जुलुसमा घर्तीले पुल्चोकबाट नेतृत्व गर्ने भन्दै माओवादीले जनाएको थियो ।
तर, घर्तीले भने आफू अहिले कुनै माओवादीमा नभएको भन्दै त्यसको खण्डन गरेकी छन् ।
‘पुल्चोकबाट जुलुसको नेतृत्व गरेर जयपुरी जाँदैछ भनेर भ्रामक प्रचार गरिएको छ । म त्यसको खण्डन गर्छु’ घर्तीले अनलाइनखबरसँग भनिन्-‘यो राजनीतिक बेइमानी हो ।’
उनले यसलाई तत्काल सच्याउन समेत विप्लवलाई आग्रह गरेकी छन् ।