११ पुस, काठमाडौं । सरकारले सशस्त्र प्रहरीका डीआईजी रञ्जन कोइरालालाई भविश्यमा सरकारी सेवामा अयोग्य हुने गरी वर्खास्त गरेको छ ।
शुक्रबार बसेको मन्त्रिपरिषद् बैठकले कोइरालालाई बर्खास्त गर्ने निर्णय गरेको हो । पत्नी हत्यामा संलग्न उनी हाल जेलमा छन् ।
नेसनल डिफेन्स कोर्सका लागि तीनमा रहेका तत्कालीन डीआईजी कोइरालाले विदामा आएर २०६८ माघमा पत्नी गीता ढकालको हत्या गरेका थिए ।
महाराजगञ्जमा हत्या गरेर उनले गीताको शव मकवानपुरको पालुङमा लगेर आगो लगाए । गीताको शव केही जलेपछि फालेर काठमाडौं र्फकँदै गर्दा उनी २०६८ माघ २८ गते थानकोटबाट पक्राउ परेका थिए ।
पक्राउ परेलगतै उनी निलम्बनमा परेका थिए । गत वैशाखमा अदालतले उनलाई पत्नी हत्यामा दोषी ठहर गर्दै जन्मकैदको सजाय सुनाएको थियो । उनी अहिले डिल्लीबजार कारागारमा छन् ।
