१२ माघ, काठमाडौं । आपसमा एउटै टेबुलमा बस्न नसक्ने अवस्थामा पुगेका सत्ता पक्ष र विपक्षी दलका नेताहरु लैनचौरस्थित भारतीय दूतावासमा भेला भएका छन् ।
तर, उनीहरु त्यहाँ वार्ताका लागि नभई भारतमा गणतन्त्र स्थापनाको ६६ वर्ष पुगेको उपलक्षमा चियापानका लागि भेला भएका हुन् ।
संविधानसभामा नाराबाजीका वीच बहुमतीय प्रक्रिया अघि बढाएर विपक्षी दलहरुलाई चिढ्याएका सभाध्यक्ष सुवास नेम्वाङ पनि भारतीय दुतावासमा पुगेका छन् ।
भारतीय दूतावासले, सत्ता पक्ष र प्रतिपक्षका नेता एवं विभिन्न साना दलका नेतालाई लैनचौरमा निम्त्याएको थियो ।