१६ जेठ, काठमाडौं । अन्तर्राष्ट्रिय मैत्रिपूरण फुटबल अन्तर्गत नेपालले अहिले पूर्वी एशियाली मुलुक लाओसबिरुद्ध उसकै घरेलु मैदानमा प्रतिस्पर्धा गरिरहेको छ ।
गोलरहित बराबरीमा सकिएको पहिलो हाफपछि नेपालले दोस्रो हाफमा सुधारिएको प्रदर्शन गर्नै गोल गर्न सफल भयो । ७७ औं मिनेटमा मिडफिल्डर बिशाल राईले पेनाल्टी एरियाबाट सेकेण्ड बार च्याप्दै प्रहार गरेको बल आकर्षक गोलमा परिणत भएको थियो ।
तर नेपालले लिएको अग्रता दुई मिनेटपनि जोगाउन सकेन । ७९औं मिनेटमा पाएको कर्नर प्रहरलाई सदुगयो गर्दै घरेलु टोलीले गोल फरकाउन सफल भयो ।
यसअघि पहिलो हाफमा लाओसले नेपालमाथि दवाव सृजना गरेको थियो । पहिलो हाफमा नेपालको रक्षापंक्ति निक्कै व्यस्त बनेको थियो भने गोलरक्षक किरण चेम्जोङले पनि लाओसका स्ट्राइकरहरुको केहि प्रहार विफल पारेका थिए ।
