२५ जेठ, पोखरा । नेपाल पर्यटन बोर्डले नेपालको पर्यटनलाई अन्तर्राष्ट्रियस्तरमा पु¥याउन आगामी आव २०७३÷७४ मा प्राथमिकता दिने भएको छ ।
पर्यटन बोर्डको आगामी आवको बजेट सम्बन्धमा बोर्डद्वारा आज पोखरामा आयोजित अन्तरक्रियामा नेपाल पर्यटन बोर्डका सदस्य राजेन्द्रप्रसाद सापकोटाले अन्तर्राष्ट्रियस्तरमा नेपालको पर्यटनलाई अघि बढाउने कार्ययोजना अघि बढाइएको बताए ।
बोर्डले आगामी आवमा अन्तर्राष्ट्रियस्तरमा प्रवद्र्धनका लागि लगभग ४० करोड खर्चिने पूर्वअनुमान गरेको उनले जानकारी दिए । आगामी आवमा क्षेत्रगत रुपमा मित्रराष्ट्र चीन र भारतबाट अधिकतम सङ्ख्यामा पर्यटक नेपालमा भित्र्याउन प्रवद्र्धनात्मक कार्यक्रमका लागि रु तीन÷तीन करोड बजेट छुट्याउने तयारी गरिएको सापकोटाले बताए ।
उनका अनुसार आगामी आवका लागि बोर्डको कुल बजेट लगभग रु ९० करोड हुने अनुमान गरिएको छ । पर्यटन बोर्डका प्रमुख कार्यकारी अधिकृत दीपकराज जोशीले पर्यटन बोर्ड काठमाडौँमा मात्र सीमित नरहने र आगामी आवमा देशका प्रत्येक पर्यटकीय स्थलको विकास एवम् त्यहाँको प्रवद्र्धनका लागि क्रियाशील हुने बताए ।
अन्तक्र्रियामा पोखरा पर्यटन परिषद्का अध्यक्ष सोम थापाले पोखरालाई पर्यटनको राजधानी भन्ने गरिएको बताउँदै यहाँको पर्यटकीय पूर्वाधारको विकास, पर्यटन प्रवद्र्धनलाई राज्यले उच्च प्राथमिकता दिनुपर्ने धारणा राखे ।
नेपाल पर्यटन बोर्डका पूर्वसदस्य विश्वशङ्कर पालिखेले पर्यटन क्षेत्रको विकासका लागि पर्यटकीय गन्तव्यको राष्ट्रिय एवम् अन्तर्राष्ट्रियस्तरमा पहिचान गराउनुपर्ने बताए ।
नेपाल पर्यटन बोर्डका पूर्वसदस्य वासु त्रिपाठीले भूकम्पपश्चात् पर्यटकीय सम्पदा एवम् क्षेत्र सुरक्षित एवम् अझै राम्रो अवस्थामा छन् भन्ने सन्देशलाई व्यापक बनाउनु आवश्यक रहेको उल्लेख गरे ।
पोखरा पर्यटन परिषद्का पूर्वअध्यक्ष गणेशबहादुर भट्टाईले नेपाल पर्याप्त पर्यटकीय सम्भावना बोकेको देश भएका कारण यस क्षेत्रको विकासका लागि राज्यको उच्च प्राथमिकता हुनुपर्नेमा जोड दिए ।
ट्रेकिङ एजेन्सिज एसोसिएसन नेपाल पश्चिमाञ्चल सङ्घका अध्यक्ष रामचन्द्र शर्माले पर्वतीय र पदयात्रा पर्यटन नेपालको पर्यटनको विशिष्टता भएको बताउँदै नयाँ एवम् वैकल्पिक पदमार्गको खोजी एवम् विस्तार आवश्यक रहेको उल्लेख गरे ।
