नायक अनमोल केसीका एकपछि अर्को चलचित्र बम्पर व्यापार गरिरहँदा उनको पारिश्रमिक पनि बढेको छ । अनमोलले चलचित्र गाजलुमा ८ लाख लिएका थिए ।
तर, पाँचौ चलचित्र खेल्नका लागि भने उनले २५ लाखसम्म मागेको चर्चा चलचित्र बजारमा चलेको थियो । तर, अनमोलले भने यो कुरा नकारेका छन् । सार्वजनिक कार्यक्रममा निकै पुग्ने भएकाले पनि अनमोलको बिषयमा बनेका गसिप पुष्टी हुन समय लाग्छ ।
अनमोलले आफूले २५ लाख नमागेको बताए । बरु, आफूलाई यति ठूलो रकम अफर आउने गरेको उनले सुनाए । उनका अनुसार आजसम्म उनले कुनै पनि चलचित्रका लागि पारिश्रमिक मागेका छैनन् ।
उनले आफूलाई कथावस्तु राम्रो हुनुपर्ने बताए । आफूलाई अफरको ओइरो लागेपनि कथावस्तु हेरेर मात्र काम गर्ने गरेको उनको भनाई छ ।
अनमोलले आफूलाई २५ लाखसम्म दिन्छु चलचित्र खेल्नु पर्यो भनेर अफर आउने गरेको सुनाए ।
