नायक पल शाहले मोडलिङ गरेका म्यूजिक भिडियो युटुबमा लगातार सार्वजनिक भैरहेका छन् । यहीक्रममा नायक शाह अभिनित ‘१४ अञ्चल ससुराल’ बोलको गीतको म्यूजिक भिडियो युटुबमा सार्वजनिक भएको छ । यो भिडियोमा पलले नायिका सारा सिर्पालीसँग जोडी बाँधेका छन् ।
गीतमा जता गएपनि आफ्नो ससुराल भएको उल्लेख गरिएको छ । गायक खुमन अधिकारीको स्वरमा समावेश यो गीतमा अराज केशवले र्याप हानेका छन् भने गीतमा माधव न्यौपानेको शब्द तथा संगीत छ । विक्रम चौहानको निर्देशनमा बनेको भिडियोमा अर्जुन तिवारीको छायांकन, सुप्रिम पराजुलीको सम्पादन छ ।
