६ साउन, काठमाडौं । विभिन्न देश पठाइदिन्छु भन्दै ३१ लाख रुपैयाँ ठगी गर्ने एकजना पक्राउ परेका छन् । सिन्धुपाल्चोक मांखा-७ घर भएका तुलबहादुर तामाङ पक्राउ परेका हुन् ।
जेभी नाम राखी नक्कली फेसबुक आइडी खोेलेर उनले विभिन्न व्यक्तिलाई ठगी गरेका थिए । उनले आफु अमेरीकाको पीआर प्राप्त व्यक्ति भएको र आफ्नो आमा क्यानडाको डाक्टर भएको भन्दै प्रलोभन मा पारी ठगी गरिरहेका थिए ।
महानगरीय अपराध अनुसन्धान महाशाखाबाट खटिएको विशेष टोलील तामाङलाई भक्तपुर च्याम्हासिंहबाट पक्राउ गरेको हो ।
लेवनानमा रोजगारीमा रहेकी श्रृजना दोंगसँग फेसबुकमार्फत साथी बनी नेपाल आएको समयमा भेट गरी अमेरीका डिपेन्डेन्ट भिसामा लैजाने भनेर ९ लाख ठगेका थिए ।
दोङकी भाई संजय र मिम लामालाई क्यानडा पठाउने भनेर उनले थप १३ लाख रुपैयाँ लिएका थिए ।
साईप्रसमा रोजगारीमा रहेकी कुसुम लामालाई फेसबुकमार्फत साथी बनाएर उनले क्यानडासँगै लैजाने भन्दै ९ लाख रुपैयाँ ठगेका थिए ।
