२८ कात्तिक, सुनसरी । सुनसरीको औरावनी गाविस–२ मा शनिबार मध्यराति आगलागी हुँदा पाँच लाख बराबरको क्षति भएको छ ।
आगलागीमा परेर पसलभित्र रहेको सामग्री पूर्णरुपले जलेर नष्ट हुँदा रु पाँच लाख बराबरको क्षति भएको पसल सञ्चालक सुरेश चौधरीले बताए ।
विद्युत् सर्ट भएर आगलागी भएको स्थानीयवासीले बताएका छन् । आगलागीलाई स्थानीयवासी र प्रहरीले संयुक्त रुपमा नियन्त्रणमा लिएको स्थानीयवासी सुरेन्द्र चौधरीले जानकारी दिए ।
