१० मंसिर ,काठमाडौं । हाडनाता करणीका फरार अभियुक्त २४ वर्ष पछि पक्राउ परेका छन् ।
प्रहरीको केन्द्रीय अनुसन्धान ब्युरो सिआइबीको टोलीले नुवाकोट कल्याणपुरका रेवकुमार खातीलाई २४ वर्ष पछि ललितपुरबाट पक्राउ गरेको हो ।
ब्युरोका डीएसपी कमल थापाका अनुसार २०५१ सालमा खातीले आफ्नै भाउजुलाई करणी गरेका थिए । त्यही आरोपमा जिल्ला प्रहरी कार्यलयले नुवाकोटले चलाएको मुद्धामा जिल्ला अदालत नुवाकोटले खातीलाई ३ वर्ष कैद संजाय सुनाएको थियो ।
तर घटना लगतै खाती फरार भएका थिए । २०५१ साल वैशाख ५ गतेको फैसलाले दोषी ठहर भएका खाती २४ वर्ष पछि ललितपुरको बडीखेलबाट पक्राउ परेको डीएसपी थापाले अनलाइनखबरलाई बताए ।
घटना भएपछि फरार खाती २४ वर्ष नुवाकोट समेत गएका छैनन् । परिवारसँगको सम्पर्कमा पनि नजाने र नुवाकोटका मान्छेहरुसँग नभेट्ने खाती ललितपुरको गोदावरीमा फुलको व्यवसाय गर्दै आएका थिए ।