यदि तपाइँ एन्ड्रोइड स्मार्टफोन वा ट्याब प्रयोग गर्नुहुन्छ भने तपाइँका लागि यो निकै महत्वपूर्ण खबर हुनसक्दछ ।
तपाइँको डिभाइसमा यस्तो एप हुनसक्छ जसले लुकीलुकी तपाइँको स्मार्टफोनबाट तपाइँका सारा जानकारीहरु चोरी गरी ह्याकरलाई पठाउँदछ ।
अनौठो तथ्य त यो हो की यस्ता भाइरसजन्य एपहरु तपाइँको स्मार्टफोनमा प्रि-इन्स्टल्ड हुनसक्छन् । यसको अर्थ तपाइँले नयाँ स्मार्टफोन किनेर स्विच अन नगर्दै नै तपाइँको स्मार्टफोनमा भाइरस पसिसकेको हुन्छ ।
विभिन्न कम्पनीका ३० भन्दा धेरै एन्ड्रोइड स्मार्टफोन तथा ट्याबहरुमा एउटा यस्तो मालवेयर भेटिएको छ जो पहिले नै इन्स्टल भएको हुन्छ । एक साइबर सेक्योरिटी कम्पनीका अनुसार यो भाइरस ती डिभाइसहरुमा त्यसबेला नै थियो जतिबेला प्रयोगकर्ताले आफ्नो स्मार्टफोन खरीद गरी स्विच अन पनि गरिसकेका थिएनन् ।
चेक प्वाइन्ट नाम कम्पनीले आफ्ना दुुई कर्पोरेट ग्राहकद्धारा प्रयोग गरिएका ३८ ह्याडसेटमा यस्तो भाइरस संक्रमण फेला पारेको छ ।
यी ग्राहकमध्ये एक टेलिकम कम्पनी हो भने अर्को बहुराष्ट्रिय प्रविधि कम्पनी । सामसुंग, एलजी तथा गुुगल समेत कैयन् ठूला ब्राण्डका स्मार्टफोनमा पहिले नै भाइरस इन्स्टल भएको पाइएको छ ।
चेक प्वाइन्टले आफ्नो ब्लगमा लेखेको छः प्रयोगकर्ताको हातमा नपुुग्दै नै डिभाइसहरुमा भाइरस रहेको तथ्य हामीले फेला पार्यौँ । भाइरसवाला ती एपहरु उत्पादकले बनाएका आधिकारिक रोममा सामेल थिएनन्तर आपूर्ति श्रृंखलाका बीचमा कहीँकतै ती भाइरस छिराइएका थिए ।
चेक प्वाइन्टले पहिचान गरेका संदिग्ध ती एपहरुले प्रयोगकर्ताका सूचना चोरी गर्दछन् । त्यस्तै एउटा फोन मा त Slocker नामको पैसा माग्ने एप थियो । यो र्यानसमवेयर भनेको त्यस्तो हो जसको मद्धतले ह्याकरले प्रयोगकर्ताको डिभाइस लक गरिदिन्छ भने लक खोल्नका लागि फिरौति माग्दछ ।
चेक प्वाइन्टको रिपोर्टमा भनिएको छः पहिले नै इन्स्टल भएका मालवेयरहरुले ती प्रयोगकर्ताको सुरक्षालाई पनि खतरामा पार्दछन् जो निकै सावधान रहन्छन् । प्रयोगकर्तालाई आफ्नो नयाँ डिभाइसमै भाइरस इन्स्टल भैसकेको कुरा थाहा पनि हुँदैन ।
ब्लगमा लेखिएको छः नयाँ फोन किन्ने बित्तिकै सुरुमा मालवेयर स्क्यानर डाउनलोड गर्नुपर्छ र त्यसलाई रन गरियो भने यस्ता खाले प्रिइन्स्टल्ड भाइरसबाट बच्न सकिन्छ ।
चेक प्वाइन्टको अध्ययनका क्रममा प्रिइन्स्टल्ड भाइरस पाइएका डिभाइसहरु यी हुन्ः
– Samsung Galaxy Note 2
– LG G4
– Samsung Galaxy S7
– Samsung Galaxy S4
– Samsung Galaxy Note 4
– Samsung Galaxy Note 5
– Samsung Galaxy Note 8
– Xiaomi Mi 4i
– Galaxy A5
– ZTE x500
– Samsung Galaxy Note 3
– Samsung Galaxy Note Edge
– Samsung Galaxy Tab S2
– Samsung Galaxy Tab 2
– Oppo N3
– Vivo X6 plus
– Nexus 5
– Nexus 5X
– Asus Zenfone 2
– Lenovo S90
– Oppo R7 plus
– Xiaomi Redmi
– Lenovo A850
एजेन्सीको सहयोगमा