२५ साउन, कैलाली । धनगढी उपमहानगरपालिकाका मेयर नृप ओडलगायत कैलालीका १०३ नागरिकले मरणोपरान्त आँखा दान गरेका छन् ।
नेपाल नेत्र ज्योति संघ कैलालीको सहयोगमा नेपाल विद्यार्थी संघ क्षेत्र नम्बर ६ कैलालीले आयोजना गरेको नेत्रदान कार्यक्रममा एक सय तीन जनाले मरणोपरान्त आँखा दान गरेका हुन् ।
सांसद पुस्करनाथ ओझाले आँखादान गरेर कार्यक्रमको शुभारम्भ गरेका थिए । उनि दोस्रो संविधान सभाको चुनावमा कैलाली क्षेत्र नम्बर ६ बाट वियजी सांसद हुन ।
आँखा दान कार्यक्रममा धनगढी उपमहानगरपालिकाका प्रमुख नृप ओडलेसमेत आँखा दान गरेको नेपाल विद्यार्थी संघ क्षेत्र नम्बर ६ का सभापति गजेन्द्र विक्रम शाहीले बताए ।
उनले अँखादान कार्यक्रममा १ सय ३ जनाले आँखा दान गरेको बताए ।
