२२ भदौ, बारा । प्रदेश नम्बर २ का १३६ स्थानीय तहकाको निर्वाचनका लागि बुधवार भएको उम्मेदवारी दर्ता रातिसम्म चलेकाले उम्मेदवारको नामावली प्रकाशन अन्तिम चरणमा पुगेको निर्वाचन आयोगले जनाएको छ ।
यसैबीच बाराको जितपुर सिमारा उपहानगरपालिका वडा नम्बर २४ मा एक दलित महिला सदस्य निर्विरोध निर्वाचित भएकी छन् ।
नेकपा एमालेकी उम्मेदवार आलमती देवी निर्विरोध भएको निर्वाचन अधिकृतको कार्यालयले जनाएको छ ।
अन्य दलबाट उम्मेदवारी नपरेपछि आलमतिलाई निर्विरोध घोषित गरिएको हो ।
