मनोनयन दर्ताका रोचक दृश्य (फाेटाे फिचर)

१६ कात्तिक, काठमाडौं । आगामी मंसिर २१ गते हुने दोस्रो चरणको आम चुनावका लागि आज ४५ जिल्लामा हर्षोल्लासका साथ उम्मेदवारी मनोनयन दर्ता भइरहेको छ ।

प्रधानमन्त्री शेरबहादुर देउवा र पूर्वप्रधानमन्त्री केपी ओली, प्रचण्ड, झलनाथ खनाल, बाबुराम भट्टराई र माधव नेपालदेखि लिएर सामान्य नेता कार्यकर्ताले समेत प्रतिनिधिसभा र प्रदेशसभामा आकांक्षा प्रकट गरिरहेका छन् ।

अहिलेसम्म देशैभरि शान्तिपूर्ण रुपमा मनोनयन दर्ता भइरहेको छ । कतिपय ठाउँमा असन्तुष्ट पक्षले बागी उम्मेदवारी दिएका छन् ।

उम्मेदवारी दर्ताको माहौलले एउटा राष्ट्रिय पर्वकै जस्तो संकेत दिएको छ । एमाले अध्यक्ष केपी अाेलीले बिराटनगर विमानस्थल पुगेर सयपत्रीकाे माला लगाए । अनि झापा पुगेर क्षेत्र नम्बर ५ मा उम्मेदवारी दर्ता गराए । प्रधानमन्त्री शेरबहादुर देउवाले डडेलधुरामा अापफू नगर्इ वारेसमार्फत उम्मेदवारी दर्ता गरे ।

अनलाइनखबरलाई प्राप्त मनोनयन दर्ताका केही रमाइला दृश्य यस्ता छन्-

मनोनयन दर्ता गर्न एमाले अध्यक्ष केपी अोली विराटनगर हुँदै झापा पुगे ।

चितवन क्षेत्र नम्बर ३ का उम्मेदवार प्रचण्ड वाम गठबन्धनका अन्य उम्मेदवार सुरेन्द्र पाण्डे र कृष्णभक्त पोखरेलसहित मनोनयन दर्ता गर्न जाँदै ।

तनहुँ-१ बाट उम्मेदवारी दर्तापछि कार्यकर्तालार्इ सम्बोधन गर्दै कांग्रेस बरिष्ठ नेता रामचन्द्र पाैडेल ।

एमाले नेता माधवकुमार नेपाल काठमाडाैं-२ बाट मनोनयन दर्ता गरेपछि कार्यकर्तालार्इ अभिवादन गर्दै । तस्वीर- श्रीधर पाैडेल/अनलाइनखबर

पूर्वप्रधानमन्त्री झलनाथ खनाल र पूर्वसभामुख सुवासचन्द्र नेम्वाङले इलाममा उम्मेदवारी दर्ता गराएका छन् ।

राप्रपा अध्यक्ष कमल थापा मनोनयन दर्ता गर्न जाँदै ।

एमाले नेता बामदेव गाैतम उम्मेदवारी दर्तापछि कार्यकर्तालार्इ सम्बाेधन गर्दै ।

विवेकशील साझा पार्टीबाट काठमाडाैं क्षेत्र नम्बर १ का उम्मेदवार रविन्द्र मिश्र उम्मेदवारी दर्तापछि कार्यकर्ताहरूसँग तस्वीरका लागि पोज दिँदै । तस्वीर- श्रीधर पाैडेल/अनलाइनखबर