शनिबार, ९ असार, २०७५
Ruslan
OnlineKhabar.com
Suzuki

वार्इसीएलको ‘तरार्इमा न्यानो बाँडौं’ अभियान

Suzuki
अनलाइनखबर

२८ पुस, काठमाडौं । तराईका जिल्लाहरुमा जाडोले कठ्याङग्रिएर सर्वसाधारण नागरिकको मृत्यु भइरहेका बेला माओवादी केन्द्रको सहायक संगठन योङ्ग कम्युनिष्ट लीग (वाईसीएल)ले ‘तरार्इमा न्यानो बाडौं’ अभियान सुरु गरेको छ ।

तराईका नागरिकहरुलाई शीतलहरबाट बचाउनका लागि वाईसीएलले कम्मल राहत वितरण गर्ने निर्णय गरेको हो ।

वाईसीएलले तराईका जिल्लामा कम्मल लिएर ‘न्यानो’ बाँड्न जान लागेको अध्यक्ष रामप्रसाद सापकोटा दीपशिखाले जानकारी दिए ।

‘तपाइँ कम्बल दिएर सहयोग गर्नुस् हामी न्यानो लिएर जाँदैछौ’ भन्ने मूल नाराका साथ राहत वितरण गर्न लागेको अध्यक्ष दीपशिखाले बताए । ‘हामी संगठन बनाएर मात्र बस्दैनौं’ उनले भने ‘संगठनबाट सामाजिक काम पनि गर्छौ ।’

राहत संकलनका लागि वाईसीएलले विभिन्न व्यक्ति र संघसंस्थाहरुलाई आव्हान समेत गरेको छ ।

राहत संकलनका लागि माघ ३ गतेसम्मको समयसीमा तोकिएको अध्यक्ष दीपशिखाले बताए । यो अवधिभित्र सबैले राहत सामग्री दिएर सहयोग गर्न वार्इसीएलले आग्रह गरेको छ ।

यसअघि वार्इसीएलले तराईका बाढी पीडितहरुलाई राहत वितरण गरेको थियो ।

२०७४ पुष २८ गते १५:०६ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • toya adhikari लेख्नुहुन्छ    |   २०७४ पुष २८ गते १५:२०

    अचम्मै छ बा कती राजनीती ‍‍‍‍‍…… हैन हिउँपर्ने ठाउँमा चै जाडो हुन्न रैछ

    1
    2
    Share

यसमा तपाइको मत




फेसबुकबाट तपाईको प्रतिक्रिया

Also you may like this