१५ माघ, काठमाडौं । एनआईसी एशिया बैंक लिमिटेडले चालु आथिर्क वर्ष २०७४/७५ को दोस्रो त्रैमासिकमा सम्भावित नोक्सानी अघिको सञ्चालन मुनाफामा २५प्रतिशतको वृद्धि हासिल गरेको छ ।
बंैकले गतवर्षको सोही अवधिको ८९ करोड मुनाफाको तुलनामा चालु वर्ष १अर्ब १२ करोड सञ्चालन मुनाफा आर्जन गरेको छ ।
सञ्चालन मुनाफाले उक्त संस्थाले आˆनो मुख्य सञ्चालन कारोवारमार्फत आर्जन गरेको मुनाफा तथा उक्त मुनाफाको स्वस्थ वृद्धिले संस्थाको दीर्घकालीनात्मक सञ्चालनको प्रत्याभूति प्रतिबिम्बित गर्दछ ।
साधारणतया, कर्जा नोक्सानी व्यवस्थामा हुने घटबढ तथा उक्त व्यवस्थाबाट फिर्ताले बंैकको खुद मुनाफामा उल्लेख्य प्रभाव पार्ने गर्दछ ।
गतवर्षको सोही अवधिमा कर्जा नोक्सानी व्यवस्थाबाट उल्लेख्य फिर्ता ३२.८३ करोड भएको हुनाले ७२.१४ करोड खुद मुनाफा भएकोमा चालु आर्थिक वर्षको दोस्रो त्रैमासिकमा बैंकले रु.५७.१७ करोड खुद मुनाफा आर्जन गर्ने सफल भएको छ ।
चालु आथिर्क वर्षमा बंैकको सञ्चालन मुनाफामा भएको स्वस्थ वृद्धि तथा कर्जामा उल्लेख्य वृद्धिका कारणले असल कर्जाको कर्जा नोक्सानी व्यवस्थामा रु ३६ करोडको वृद्धिका वावजुद पनि बंैकले दोस्रो त्रैमासिकमा आर्जन गरेको खुद मुनाफा उत्साहजनक रहेको छ ।
बंैकको रु १४० अर्ब बराबरको वासलात आकार तथा खुद व्याजदर अन्तरमा निरन्तर सुधारका कारण बंैकले आगामी त्रैमासिकहरुमा मुनाफामा उत्साहजनक वृद्धि हासिल गर्ने अपेक्षा गरेको छ ।
वाषिर्क विन्दुका आधारमा बंैकले आˆनो कर्जामा रु ३५ अर्बबाट रु १०२.२० अर्ब तथा निक्षेपतर्फ रु ४१.४० अर्ब बाट रु १२०.४६ अर्बको वृद्धि हासिल गरेको छ, जुन नेपाली बैंकिङ ईतिहासमा कुनै पनि बैंकले वाषिर्क विन्दुका आधारमा हासिल गरेको वृद्धिका हिसाबले हाल सम्मकै उच्च वृद्धि हो ।
बैंकको चुस्तकर्जा असुली प्रणाली तथा अभ्यासका कारण गतवर्ष ०.७२ प्रतिशत रहेको खराब कर्जामा उल्लेख्य सुधार आई यस वर्ष ०.२६ प्रतिशत कायम राख्न सफल भएको छ । साथै, बैंकको पुँजी पर्याप्तता अनुपात १३.५९ प्रतिशत रहेको छ ।
पुँजी पर्याप्तता अनुपात बढी हुनाले निक्षेपकर्ताको निक्षेप सुरक्षित छ भन्ने सकारात्मक सन्देश जानुका साथै आर्थिक रुपमा आउन सक्ने अकल्पनीय तथा अनुपक्षेपित समस्या तथा परिस्थितिहरु सामना गर्न समेत बंैक सबल रहेको मान्न सकिन्छ तथा बैंक थप व्यवसाय वृद्धि गर्न सक्ने क्षमतालाई दर्शाउने बैकले जनाएको छ ।
बंैकको कर्जा तथा निक्षेप अनुपात ७८.१९ प्रतिशत रहेको छ, जुन नियमनकारी निकाय नेपाल राष्ट्र बैंकले तोकेको ८० प्रतिशत सिमाभित्र रहेको छ ।
