१३ वैशाख, काठमाडौं । च्याम्पियन्स ट्रफी नहुने भएको छ । तर, २०२० र २०२१ मा लगातार टी-२० विश्पकप हुनेछ ।
अन्तराष्ट्रिय क्रिकेट काउन्सिल (आईसीसी) को बोर्ड बैठकले २०२१ मा हुने भनिएको च्याम्पियन्स ट्रफी नखेलाउने निर्णय लिएको हो । जुन भारतमा हुने तय भएको थियो ।
त्यो वर्ष टी-२० विश्वकप हुनेछ । त्यसअघि २०२० मा अष्ट्रेलियामा पनि टी-२० विश्वकप हुँदैछ ।
सबै देशलाई टी-२० आई स्टाटस
आईसीसी बोर्ड बैठकले १०४ देशलाई नै टी-२० अन्तराष्ट्रिय मान्यता दिने भएको छ । सीईओ डेभिड रिचर्डसनका अनुसार महिला टिमलाई जुलाई १ २०१८ र पुरुष ठिमलाई जनवरी १ २०१९ बाट टी-२० अन्तराष्ट्रिय मान्यता दिइनेछ ।
हाल पूर्ण सदस्य देश १० सहित स्कटल्याण्ड, नेदरल्याण्ड्स, हङकङ, यूएई, ओमान र नेपालसँग मात्र टी-२० अन्तराष्ट्रिय मान्यता छ ।
