१९ असोज, काठमाडौं । मृगौला रोगी फुडोमा तामाङलाई मृगौला प्रत्यारोपणका लागि सिटी एक्सप्रेस मनी ट्रान्सफरले आर्थिक सहयोग गरेको छ ।
इराक स्थित सिटी एक्सप्रेस मनी ट्रान्सफरका प्रतिनिधि विनोद श्रेष्ठ र अभियान्तकर्ता मेन्दो गोले लगाएत कुर्दिस्तान प्रवासी नेपाली समाज सुलेमानी, इराकको संयुक्त पहलमा दुबै मृगौला फेल भएकी फुडोमा तामाङको मृगौला प्रत्यारोपणको निम्ति आर्थिक सहयोग संकलन गरिएको हो ।
संकलनबाट जम्मा भएको रकम १,६६,५४१ इराक सुलेमानीयाबाट सिटी एक्सप्रेसको अधिकारीक एजेन्ट अल ताइफ बाट प्राप्त भै र थप ५०,००० सिटी एक्सप्रेस मनी ट्रान्सफर काठमाण्डौंबाट एक मुष्ट गरि कुल रकम २,१६,५४१ सिटी एक्सप्रेसको ब्राण्ड एम्बासडेर सिताराम कट्टेल(धुर्मुस)ले दुबै मृगोला प्रत्यारोपणका सहयोगको लागी पिडित फुडोमा तामाङ लाई हस्तान्तरण गरे ।
