२४ असोज, काठमाडौं । जिल्ला प्रहरी कार्यालय पर्साले स्वचालित पेस्तोलसहित एकजनालाई पक्राउ गरेको छ ।
चेकजाँचका क्रममा पर्टेर्वासुगौली गाउँपालिका-४ फरदवा भलुवाही खोलाको बगरबाट सोही गाउँपालिका वडानम्बर १ का २५ वर्षीय मनोज पासवानलाई पक्राउ गरिएको प्रहरीले जनाएको छ ।
शंकास्पद रुपमा सुगौली गाउँदेखि निचुटातर्फ पैदल हिँडिरहेको अवस्थामा खानतलासी गर्दा मेड इन यूएसए लेखिएको पेस्तोल भेटिएको प्रहरीको भनाइ छ ।
पासवानको साथबाट पेस्तोलमा लाग्ने एक थान खाली म्यागजिन पनि बरामद गरेेेको छ ।
पासवानको थप अनुसन्धान भइरहेको जिल्ला प्रहरी कार्यालय पर्साले जनाएको छ ।
