६ माघ, काठमाडौं । अख्तियार दुरुपयोग अनुसन्धान आयोगले ललितपुर मालपोत कार्यालयका नायब सुब्बा कुमारबहादुर राजभण्डारीलाई ६ हजार रुपैयाँ घुससहित पक्राउ गरेको छ ।
राजभण्डारी र बिचौलिया बाबुराजा शाक्यले जग्गा हालसाविक गर्ने प्रयोजनको लागि बिभिन्न बहाना बनाई सेवाग्राहीसँग घुस रकम लिएको अवस्थामा अख्तियारको टोलीले उनीहरुलाई पक्राउ गरेको हो ।
उनीहरुलाई नायव सुब्बा कुमारबहादुर राजभण्डारीको कार्यकक्षबाट नियन्त्रणमा लिई अनुसन्धान गरिरहेको अख्तियारले जनाएको छ ।