२३ असार, काठमाडौं । श्रीलंकामा आयोजना हुने १४औं पश्चिम एसिया बेसबल कपमा नेपाल पनि सहभागी हुने भएको छ ।
श्रीलंका बेसबलको आयोजना यही जुलाइ १५ देखि २० तारिखसम्म सञ्चालन हुने प्रतियोगितामा नेपाल पनि सहभागी हुन लागेको कोलम्बोस्थित नेपाली दूतावासका तृतीय सचिव हेम भुजेलले जानकारी दिए ।
नेपालको पहिलो खेल १६ जुलाइमा आयोजक श्रीलंकासँग हुने छ । दोस्रो प्रतिस्पर्धा १७ जुलाइमा भारतसँग हुने छ ।
प्रतियोगितामा आयोजक श्रीलंकासहित नेपाल, भारत, पाकिस्तान, इरान र बंगलादेश सहभागी हुनेछन् ।