१२ चैत, सप्तरी । कोरोना भाइरसको संक्रमण फैलिन नदिन सरकारले लक डाउन गर्ने निर्णय गरेपछि सप्तरीका पत्रपत्रिका प्रकाशन बन्द भएको छ ।
बुधबारदेखि जिल्लाबाट प्रकाशित हुने सबै पत्रपत्रिकाको प्रकाशन बन्द गरिएको छ । जिल्लाबाट एक दर्जन दैनिक पत्रिका र तीन दर्जन साप्ताहिक पत्रिका नियमित प्रकाशन हुँदै आएको छ ।
सरकारको लक डाउन गर्ने निर्णयसँगै प्रेसका कर्मचारीहरु घरमै बस्न थालेका कारण पत्रिका प्रकाशन बन्द गरिएको आजको वातावरण दैनिकका प्रकाशक समेत रहेका प्रेस स्वतन्त्रता सेनानी बैद्यनाथ झाले जानकारी दिए ।
लक डाउनको समयमा बाहिर निस्किन समेत नमिल्ने भएका कारण पत्रिका प्रकाशन गर्न समस्या भएको नेपाल पत्रकार महासंघ, सप्तरीका उपाध्यक्ष श्यामसुन्दर यादवले बताए ।
जिल्लाबाट संचालित अनलाइनहरु भने सञ्चालन भएका छन् ।
