१४ साउन, काठमाडौं । नेपाल विज्ञान तथा प्रविधि प्रतिष्ठान (नास्ट) ले कोरोना भाइरस पिसीआर जाँचका लागि मोबाइल स्बाव संकलन गाडी सीसीएमसीलाई दिएको छ ।
नेपाली सेनाले उपलब्ध गराएको डबल क्याब पिकअप ल्याण्ड क्रुजर गाडीलाई नास्टले परिमार्जन गरेर स्वाब बुथ तयार गरेको हो ।
बुथलाई एक कार्यक्रमका बीच प्रतिष्ठानका उपकुलपति डा. सुनीलबाबु श्रेष्ठले कोभिड–१९ संकट व्यवस्थापन सञ्चालन केन्द्र (सीसीएमसी) का संयोजक सचिव महेन्द्रप्रसाद गुरागाईंलाई हस्तान्तरण गरेका छन् ।
प्रतिष्ठानका वैज्ञानिक तथा प्राविधिकको सहयोगमा तयार पारिएको बुथको परिमार्जनमा नेपाली सेनाको विद्युत तथा यान्त्रिक सेवा निर्देशनालयले पनि सहयोग गरेको थियो ।
उक्त बुथबाट स्वाब कलेक्सन गर्दा पर्सनल प्रोटेक्टिभ इक्यूपमेन्ट (पीपीई) पनि आवश्यक नपर्ने भनिएको छ ।
यही मोवाइल स्वाब संकलन बुथको प्रयोग गरेर बुधबार सिंहदरबारका कर्मचारीको स्वाब संकलन गरिएको छ ।
हेर्नुहोस् तस्वीरहरु
