Comments Add Comment

गोंगबु प्रकरण : महिला भेट्न निस्किएकै दिन हत्या !

२६ साउन, काठमाडौं । गोंगबुमा सुटकेशमा भेटिएको शवको अनुसन्धानमा प्रहरीले छोटो समयमै सफलता हात पारेको छ ।

प्रहरीले मृतकको पहिचान गर्नुका साथै हत्यामा संलग्न भएको आशंकामा एक महिलालाई चितवनबाट पक्राउ गरेको छ ।

आइतबार सुटकेशभित्र टाउको र खुट्टाविनाको शव भेटिएको थियो । कुकुरको सहयोगमा प्रहरीले त्यसको तीन सय मिटर पर टाउको र खुट्टा भएको झोला भेटेको थियो । तर मृतकको पहिचान नभएपछि फोटो सार्वजनिक गर्‍यो ।

त्यस आधारमा विभत्स हत्या गरिएका व्यक्ति कृष्णबहादुर बोहोरा भएको खुल्यो ।

प्रहरीले अपराध भएको घरमा बस्दै आएकी कल्पना शाहीलाई पक्राउ गरेको छ । चितवनको टाढीबाट पक्राउ परेका उनलाई काठमाडौं ल्याउने तयारी भइरहेको छ ।

प्रारम्भिक सोधपुछमा उनले कसूर स्वीकारेकी छन् ।

९ महिनादेखि गेस्ट हाउसमा थिए बोहोरा 

प्रहरी स्रोतका अनुसार कृष्णबहादुर पछिल्लो ९ महिनादेखि मित्रनगरस्थित एक गेस्ट हाउसमा बसेको खुलेको छ ।

उनको कल्पनासँग लेनदेन सम्बन्धी विवाद पनि हुनसक्ने देखिएको छ । अनुसन्धानमा संलग्न अधिकृतहरुका अनुसार बोहोराले एक जनासँग ५० लाख रुपैयाँ लिनुपर्ने र उनलाई धेरै प्रयासपछि शनिबार भेटेको आफन्तसँग बताएका थिए । बोहोराले भनेको व्यक्ति तिनै महिला हुन् वा अरु कोही भन्ने खुलिसकेको छैन ।

तर शनिबार शाहीले खानपिनका लागि बोलाएको र केही दिन नआउन सक्ने भन्दै होटलबाट निस्किएका थिए ।

बोहोराको हत्या भएको घर ।

प्रहरीले होटलबाट बोहोराको नागरिकता, एटीएम कार्ड लगायत पनि बरामद गरेको छ । महिला र बोहोराको सम्बन्ध लेनदेनको मात्र हो वा अन्य केही थियो भन्ने विषयमा अनुसन्धान भइरहेको प्रहरीले बताएको छ ।

प्रहरीका अनुसार शनिबार राति नै बोहोराको हत्यापछि शवलाई सुटकेश र झोलामा लगेर सडकमा फ्याँकिएको पाइएको छ । त्यसपछि उनी भागेर चितवन गएकी थिइन् ।

महानगरीय प्रहरी परिसर, काठमाडौंका एसएसपी श्यामलाल ज्ञवालीले घटनाबारे अनुसन्धान भइरहेको बताएका छन् ।

यो पनि पढ्नुस् 

‘जोजो’ले भेट्यो गोंगबुमा बरामद शवको टाउको

सुटकेश भेटिएको स्थान नजिकैको घरबाट ल्याइएको थियो शव

यो खबर पढेर तपाईलाई कस्तो महसुस भयो ?

ट्रेन्डिङ

Advertisment