६ मंसिर, काठमाडौं । उदाउँदै गरेको सूर्यलाई अर्घ दिएसँगै छठपर्व सम्पन्न भएको छ ।
शुक्रबार साँझ अस्ताउँदै गरेको सूर्यलाई अर्घ दिएका ब्रतालुहरुले शनिबार बिहान उदाउँदै गरेको सूर्यलाई अर्घ दिएका हुन् । यससँगै सत्य र अहिंसाप्रति मानवको रुचि बढाउने र सबै जीवप्रति सहानुभूति राख्न अभिप्रेरित गर्ने चाड छठपर्व सम्पन्न भएको छ ।
कोरोना महामारीका कारण धेरैले आफ्नै घरको छत र आगनमा कृत्रिम पोखरी बनाएर पूजा गरेका छन् । यसले नदी किनार तथा पोखरीका छठघाटहरुमा भिडभाड थिएन ।
