५ पुस, काठमाडौं । भारतीय सेनाका अवकाश प्राप्त मेजर जनरल तथा नेपाल मामिलाका जानकार अशोक मेहताले नेपालको पछिल्लो घटनाक्रमलाई भारतले आन्तरिक मामिला भनी टिप्पणी गर्ने बताएका छन् ।

अनलाइनखबरसँगको कुराकानीमा उनले भने, ‘भारतको औपचारिक प्रतिक्रिया त यो नेपालको आन्तरिक मामिला हो भन्ने नै हुन्छ तर यो घटनाक्रम भारतका लागि सकारात्मक घटना हो ।’

उनले चीनका लागि भने यो घटनाक्रम निकै नकारात्मक भएको बताए । उनले भने, ‘केही समयदेखि चिनियाँ राजदूत यो सरकार टिकाउन लागिरहेकी थिइन्, त्यसैले चीनका लागि यो नकारात्मक घटनाक्रम हो ।’