१ फागुन, काठमाडौं । जापानको फुकुसिमा नजिक ७.१ म्याग्निच्युटको शक्तिशाली भूकम्प गएको छ । स्थानीय समयअनुसार शनिबार राति ११ बजेर आठ मिनेटमा भूकम्प गएको हो ।
भूकम्पको केन्द्र प्रशान्त महासागरमा ५४ किलोमिटर भित्र थियो । भूकम्पको धक्का राजधानी टोकियोसहित दक्षिण पश्चिमी क्षेत्रका धेरै स्थानमा महसुस गरिएको थियो ।
प्राप्त समाचार अनुसार कम्तिमा १२ जना घाइते भएका छन् । जापानको सरकारी टेलिभिजन च्यानल एनएचकेले फुकुसिमास्थित न्युक्लियर प्लान्टमा क्षति पुगे/नपुगेको भन्ने विषयमा अनुसन्धान भइरहेको जनाएको छ ।
सन् २०११ मा फुकुसिमामा गएको भूकम्पका कारण १८ हजारभन्दा धेरै जनाको ज्यान गएको थियो ।
