२५ भदौ काठमाडौं । प्रधानमन्त्री शेरबहादुर देउवा र एमसीसी उपाध्यक्ष फातिमा सुमारबीच भेटवार्ता भएको छ ।
प्रधानमन्त्रीको सरकारी निवास बालुवाटारमा पुगेर प्रधानमन्त्री देउवसाँ फातिमाले भेट गरेकी हुन् ।
भेटमा एमसीसी सम्झौता अगाडी बढाउनका लागि आफूले राजनीतिक स्तरमा छलफल जारी राखेको बताएका छन् । यस्तै एमसीसीकी उपाध्यक्ष फतिमा सुमरले एमसीसी छिट्टै संसदबाट छिटो अनुमोदन हुने विश्वास व्यक्त गर्दै नेपालको आर्थिक विकासका लागि महत्वपूर्ण योगदान गर्ने विश्वास व्यक्त गरिन् ।
बिहीबार काठमाडौं आएकी सुमारसहितको टोलीले एमाले अध्यक्ष केपी शर्मा ओलीसँग बालकोटमा भेट गरेको थियो। सोही दिन नेकपा एकीकृत समाजवादीका अध्यक्ष माधवकुमार नेपाल, नेताहरु प्रमेश हमाल र गंगालाल तुलाधरसहितको टोलीसँग फातिमाले एकीकृत समाजवादीको संसदीय दलको कार्यालय सिंहदरबारमा भेट गरेकी थिइन् ।
यस्तै शुक्रबार बिहान नेकपा मावादी केन्द्रका अध्यक्ष पुष्प कमल दाहाल ‘प्रचण्ड’सँग भेटवार्ता गरेकी थिइन् भने दिउँसो ऊर्जा, जलस्रोत तथा सिँचाईमन्त्री पम्फा भुसालसँग सिंहदरवार पुगेर घेटघाट गरेकी थिइन् ।
प्रतिक्रिया 4