शिवम सिमेन्टको २९ प्रतिशत लाभांश पारित

१६ असोज, काठमाडौं । शिवम् सिमेन्ट्स लिमिटेडले यस अघि घोषणा गरेको २९ प्रतिशत लाभांश पारित भएको छ । कम्पनीका कार्यकारी अध्यक्ष सुरेन्द्रकुमार गोयलको अध्यक्षमा मंगलबार सम्पन्न कम्पनीको छैठौं वार्षिक साधारणसभाले लाभांश पारित गरेको हो ।

साधाधारणसभामा अध्यक्ष गोयलले शेयरधनीहरुलाई चुक्ता पुँजी ४ अर्व ४० करोडको २९ प्रतिशतका दरले (लाभांशमा लाग्ने कर सहित) हुन आउने १ अर्व २७ करोड ६० लाख रुपैयाँ नगद लाभांश दिने प्रस्ताव पेश गरेका थिए । साधारणसभाबाट पारित भएकाले बैंक खाता र डिम्याट खाता अपडेट गरेका शेयरधनीहरुले तत्कालै लाभांश पाउनेछन् ।