२८ चैत, काठमाडौं । एडभान्स एकेडेमीले प्याट्रिओट्स कप अन्तर कलेज टी-२० क्रिकेट प्रतियोगितामा सोमबार हिमालयन ह्वाइटहाउस कलेजलाई ७ विकेटले पराजित गरेको छ ।
समूह बीको मा एडभान्सको यो लगातार दोस्रो जित हो । २ खेलबा६ ४ अंकसहित एडभान्स शीर्ष स्थानमा छ ।
मुलपानी मैदानमा भएको खेलमा हिमालयन ह्वाइटहाउसले दिएको १३० रनको लक्ष्य एडभान्सले तीन बल अगावै ३ विकेट गुमाएर पूरा गर्यो । एडभान्सका लागि दिपेश दासले अविजित रहँदै ३२ रन बनाए । यस्तै सक्षम बाराताको६ले २८, अभिषेक थापाले २५ र तक्षक सिम्खडाले २० रन बनाए ।
बलिङमा हिमालयन ह्वाइटहाउसका निश्चय थापा, नितेश कुमार यादव र आदर्श झाले समान एक विकेट लिए ।
त्यसअघि टस जितेर पहिले ब्याटिङ गरेको हिमालयन ह्वाइटहाउसले ६ विकेट गुमाएर १२९ रन बनाएको थियो । हिमालयन ह्वाइटहाउसका लागि निश्चय थापाले सर्वाधिक ५० रन बनाए । यस्तै आदर्श झाले १८, आदित्य मल्लले १३ र सतिश यादवले १० रन जोडे ।
बलिङमा एडभान्सका लागि असिम श्रेष्ठले ४ ओभरमा ९ रन मात्र खर्चेर सर्वाधिक ३ विकेट लिए । बिप्रल खतिवडा र अभिषेक थापाले एक-एक विकेट लिए ।
यस्तै समूह बी अन्तर्गत नै मंगलबार तय भएको टेक्सास कलेज र ओमेगा कलेजबीचको खेलमा ओमेगाले वाकओभर दिएपछि टेक्सासले विजयी हुँदै २ अंक जोडेको छ ।
प्रतिक्रिया 4