पाख्रीबासका मेयरले त्यागे एमाले

१३ वैशाख, धनकुटा । धनकुटाको पाख्रीबास नगरपालिका मेयर बृषबहादुर राईले नेकपा एमाले परित्याग गरेको घोषणा गरेका छन् । नगरप्रमुख राईले फेसबुक स्ट्याटस लेख्दै पार्टी परित्याग गरेको लेखेका छन् ।

२०७४ सालको स्थानीय तह निर्वाचनमा राईको नेतृत्वमा एमालेले क्लिन स्वीप अर्थात सबै ५२ सिट नै जितेको थियो ।

उनी मेयरको आकांक्षी थिए । एमालेले पाख्रीबासको उम्मेद्‍वार छनौटको क्रममा राई असन्तुष्ट रहँदै आएका उनी निकट एक कार्यकर्ताले बताए । तर राईले भने मेयर नपाएर नभई अरु नै कारणले पार्टी छाडेको बताए ।

एमालेको तर्फबाट भीम राई पाख्रीबासको मेयर उम्मद्‍वार बनेका छन् ।