अर्काको नाममा मतदान गर्न आएका दुई जना आँबुखैरेनीबाट पक्राउ

३० वैशाख, दमौली । तनहुँको आँबुखैरेनी गाउँपालिका वडा नं. १ को मित्रता माध्यमिक विद्यालयको मतदान केन्द्रमा अर्काको नामबाट मतदान गर्न आएका दुई जना पुरुषलाई प्रहरीले नियन्त्रणमा लिएको छ ।

पक्राउ पर्नेमा आँबुखैरनी १ का नविन दवाडी र अरुण गुरुङ रहेको तनहुँ प्रहरीले जनाएको छ ।

मतदान केन्द्रमा अर्के व्यक्तिको मतदाता परिचय पत्र बोकेर आएका उनीहरुको नाम रुजु गर्ने समयमा नमिलेपछि नियन्त्रणमा लिएको प्रहरीले जनाएको छ ।