‘सफा धरान, स्वस्थ धरान’ अभियानलाई मेगा बैंकको सहयोग

काठमाडौं । मेगा बैंक नेपाल लिमिटेडले धरान उपमहानरपालिकाले सञ्चालन गरेको ‘सफा धरान, स्वस्थ धरान’ अभियानमा सहयोग गरेको छ ।

धरानको भानु चोकमा एक कार्यक्रमको आयोजना गरी बैंकले सो अभियानलाई सहयोग गरेको हो । बैंकले संस्थागत सामाजिक उत्तरदायित्व अन्तर्गत धरानका मेयर हर्क साम्पाङ राईलाई १० थान डस्टविन हस्तान्तरण गरेको हो ।

कार्यक्रममा धरान उपमहानगरपालिकाका नवनिर्वाचत मेयर राईले ‘सफा धरान, स्वस्थ धरान’ अभियानमा साथ दिएकोमा खुसी व्यक्त गर्दै मेगा बैंकलाई धन्यवाद दिए । मेयर राईले आगामी दिनमा संस्थागत सामाजिक उत्तरदायित्व अन्तरगत विभिन्न सामाजिक कार्य र वित्तिय साक्षरतामा मेगा बैंकसँग सहकार्य गर्ने बताए ।

कार्यक्रममा धरान-२ का वडाध्यक्ष रमेश राई, मेगा बैंकका प्रदेश नम्बर १ का प्रमुख विवेकबन्धु न्यौपाने र धरान शाखाका प्रबन्धक सविन श्रेष्ठ लगायतको सहभागिता रहेको थियो ।