सुन-चाँदीको मूल्य बढ्यो

१३ साउन, काठमाडौं । साताको अन्तिम दिन शुक्रबार सुन र चाँदी दुवै धातुको मूल्य बढेको छ । नेपाल सुन चाँदी व्यवसायी महासंघकाअनुसार सुनको मूल्य तोलामा ८ सय र चाँदीको मूल्य तोलामा ३५ रुपैयाँले बढेको छ ।

शुक्रबार छापावाल सुनको मूल्य प्रतितोला ९५ हजार ६ सय रुपैयाँ तोकिएको छ भने तेजावी सुनको मूल्य ९५ हजार १ सय रुपैयाँ छ । बिहीबार छापावाल सुनको मूल्य ९४ हजार ८ सय र तेजावी सुनको मूल्य ९४ हजार ३ सय रुपैयाँ थियो ।

यस्तै चाँदीको मूल्य १ हजार २२० रुपैयाँ प्रतितोला कायम भएको छ । बिहीबार चाँदीको मूल्य १ हजार १८५ रुपैयाँ तोलाका कारोबार भएको थियो ।