अरनिको र बीपी राजमार्गमा दशैंभर टिपर चलाउन रोक

१ कात्तिक, काठमाडौं । अरनिको र बीपी राजमार्गमा दशैंको समयमा टिपर सञ्चालनमा रोक लगाइएको छ ।

जिल्ला प्रशासन कार्यालयमा मंगलबार भएको छलफलमा दशैंको समयमा सवारीको बाक्लो आवतजावत हुने र ट्राफिक व्यवस्थापन गर्न जटिलता उत्पन्न हुने भएकाले भोलि २ गतेदेखि १३ गतेसम्म टिपर चलाउन रोक लगाउने सहमति भएको छ ।

साथै गाडीको गति सीमित बनाउने, लेन अनुशासन पालना गर्ने र प्रेसर हर्न नबजाउने पनि सहमति भएको छ ।