एयर डाइनेष्टीले भूकम्प पीडितका लागि दियो ११ लाख

२१ कात्तिक, काठमाडौं । निजी लगानीको हेलिकप्टर कम्पनी एयर डाइनेष्टीले दैवी प्रकोप उद्धार कोषमा ११ लाख ११ हजार १ सय ११ रुपैयाँ सहयोग गरेको छ ।

गत शुक्रबार राति पश्चिम नेपालमा गएको भूकम्पबाट प्रभावित परिवारका लागि सरकारले आह्वान गरे अनुसार सहयोग गरिएको कम्पनीका वरिष्ठ प्रवन्धक बालकृष्ण पण्डितले जानकारी दिए ।

उनका अनुसार कम्पनीले अहिले लुक्ला, काठमाडौं र पोखरामा बेस गरेर उडान गरिरहेको छ ।