९ पुस, काठमाडौं । प्रधानमन्त्री कप महिला टी–२० प्रतियोगितामा लुम्बिनी प्रदेशले कर्णालीलाई ३० रनले पराजित गरेको छ ।
त्रिवि क्रिकेट मैदानमा टस हारेर ब्याटिङ गरेको लुम्बिनी प्रदेशले निर्धारित २० ओभरमा ५ विकेट गुमाउँदै १३३ रन बनाएको थियो । १३४ रनको लक्ष्य पछ्याएको कर्णालीले निर्धारित २० ओभरमा ७ विकेट गुमाउँदै १०३ रन मात्र बनाउन सक्यो ।
कर्णालीका लागि गौरी बोहराले सर्वाधिक २२ रन बनाइन् । २२ बल खेल्दा उनले २ चौका प्रहार गरिन् । त्यस्तै, ओपनर यमुना थारुले २१, रश्मी खड्काले ११ र अञ्जु गुरुङले अविजित १३ रन जोडे ।
लुम्बिनीका लागि भने सरस्वती पुन र कृतिका मरासिनीले समान २÷२ विकेट लिए । चमेली चौधरी र शर्मिला रोक्काले १÷१ विकेट लिए ।
लुम्बिनीका लागि सरस्वती जीएमले सर्वाधिक ५३ रनको अर्धशतकीय पारी खेलिन् । उनले ६२ बलमा ७ चौका प्रहार गरेकी हुन् । आस्मा पुलामी मगरले २५ र चमेली चौधरीले १८ रन बनाइन् ।
कर्णालीका लागि बलिङमा यमुना थारु, रश्मी खड्का र तिर्सना विश्वकर्माले समान १/१ विकेट लिए ।
लुम्बिनीले चार खेलमा २ जित र २ हारसहित ४ अंक बटुलेको छ भने कर्णालीले भने खेलेका सबै चार खेल हारेको छ ।
प्रतिक्रिया 4