राष्ट्रिय रनिङ शिल्ड दोहोरीगीत प्रतियोगिताको सातौं संस्करण हुने

काठमाडौं । राष्ट्रिय लोक तथा दोहोरीगीत प्रतिष्ठानको आयोजनामा रनिङ शिल्ड दोहोरीगीत प्रतियोगिता-२०८० हुने भएको छ ।

प्रतिष्ठानले आइतबार विज्ञप्ति जारी गर्दै धादिङको बेनीघाट–रोराङ गाउँपालिका-७ स्थित चरौंदीमा फागुन ४ गतेदेखि ७ गतेसम्म प्रतियोगिता आयोजना हुन लागेको जनाएको छ ।

पहिलो हुनेलाई ३ लाख, द्वितीयलाई २ लाख, तृतीयलाई १ लाख र सान्त्वना हुनेलाई ५० हजार रुपैयाँ पुरस्कार प्रदान गरिने जनाइएको छ । गायक, गायिका, भेषभूषा, नवगायक र नवगायिका विधामा उत्कृष्ट हुनेलाई पनि पुरस्कृत गरिने उल्लेख छ ।

इच्छुकले माघ २५ गतेसम्म आवेदन दिन सक्ने जनाइएको छ ।